Foto: Aqorda
О́tken jylǵy quryltaı otyrysynan keıin Memleket basshysynyń tapsyrmasyn oryndaý maqsatynda 53 tarmaqtan turatyn arnaıy jospar bekitilip, jospar boıynsha is júrgizilgen.
«Birinshiden, quryltaı bastaýlaryn júzege asyrý barysynda Parlament depýtattarynyń qoldaýymen byltyr 6 zań qabyldandy. Bul zańdar balalardyń qaýipsizdigin qamtamasyz etý, quqyqqa qaıshy keletin kontenttiń taralýyn shekteý, jekemenshik obektilerge ataý berýdi júıeleý, qoǵamdyq oryndarda bet-júzdi búrkeıtin kıimge tyıym salý, arheologııa salasyn retteý baǵyttaryn qamtydy», dedi Erlan Qarın.
Erlan Qarın osy baǵytta 10 zań jobasy jumysqa alynǵanyn da atap ótti.
Buǵan deıin Prezıdent Memlekettik keńesshi Erlan Qarınmen jáne Prezıdenttiń quqyqtyq máseleler jónindegi kómekshisi Erjan Jıenbaevpen Parlamenttik reforma boıynsha kezekti jumys keńesin ótkizgen edi.
Erlan Qarın Memleket basshysyna 9 qańtarda ótken Jumys tobynyń otyrysynda bir palataly Parlamenttiń bolashaqtaǵy orny, quzyreti men negizgi mindetteri aıqyndalyp, onyń bıliktiń ózge tarmaqtarymen ózara baılanysyn retteıtin ustanymdar qarastyrylǵanyn jetkizdi.
